HINDI na ulit nabanggit ni Malia ang tungkol sa natuklasan niya kay Aldrin. Inalam lang niya ang status ng trabaho nito. Sinabi ni Aldrin na mawawala ito ng isang linggo dahil babalik ito ng US para sa training nito. May swimming competition na naman kasi itong sasalihan.
Pagkatapos ng hapunan ay hinatid siya ni Aldrin sa kanilang bahay. Nang makaalis ang binata ay saka niya napansin ang itim na SUV na nakaparada sa tapat ng bahay, sa may kabilang kalsada. Umaandar ito.
Kilala niya ang plate number nito kaya pinuntahan niya. Kinatok niya ang pinto sa driver side. Bumukas naman ang bintana. Nakaupo roon si Andrew, nakikinig ng music sa stereo.
“I just wanna make sure that you come home tonight,” sabi nito.
“Nag-dinner lang kami ni Aldrin.”
“I know.” Sinipat siya nito at ngumiti. “Aalis
