HINDI makatulog si Andrew. Nakapatay na ang ilaw at pakiramdam niya’y mahimbing na ang tulog ni Malia. Bumangon siya at pumasok ng banyo. Nagulat siya nang madatnan doon sina Tyron at Ania na nagkukuwentuhan. Kaya pala may naririnig siyang bumubulong.
“Bakit narito pa kayo?” paanas niyang tanong.
Ang mga ito ang nanggulo kay Malia.
“We’re making sure that you will not escape,” ani ni Ania habang nakasandal sa lababo at humalukipkip.
Si Tyron naman ay nakasandig sa dingding kaharap ni Ania. “Paano ako tatakas? Baka maalimpungatan si Malia,” aniya.
“Pasalamat ka na lang dahil narito kami, Andrew. Kita mo? Hindi ka rin nakatiis, bumigay ka,” sabad ni Tyron.
“Kayong dalawa ang may kasalanan.”
“Ano? Kasalanan pa namin na natukso ka? Ginusto mo ito, Andrew,” si Tyron.
“He’s right!” gato
