BAGSAK ang mga balikat ng lalaki nang magkasama nilang tunguhin ang hospital kung saan na-confined ang lola ni Ken na si Mameng. Matapos nilang makatanggap ng tawag na talagang nagpaguho sa mundo ng lalaki ay hindi na ito nakausap ni Thoie. Hindi niya na nakuha pang magtanong dito nang takbuhin nito ang parking lot ng hotel para hanapin ang sasakyan at umalis. Hindi niya ito iniwan, sinundan niya ito nang walang tanong na lumalabas mula sa mga labi hanggang sa marating nila ang hospital. “I’m looking for the patient Mameng Lazaro?”
Sandaling naghanap sa computer ang nurse na nasa counter at muling nagbalik tingin sa kay Ken at Thoie. “Nasa morgue po, diretsuhin n’yo na lang po ang hallway na ito.” Itinuro nito ang daan patungo sa hallway. “Pagkatapos ay kumanan kayo, mababasa n’yo ang sig
