KAAGAD namang nilapatan ng lunas ang nagdugong labi at bahagyang namaga na pisngi ni Thoie. Talagang napakalakas ng pagkakasampal sa kaniya ni Amanda, sobra-sobra ang galit nito sa kaniya dahil sa kaniyang ginawang pagtulak kay Cailey, ngunit wala siyang pinagsisisihan sa ginawa. Maging siya man ay talagang nanggalaiti sa mag-ina ngunit hindi niya naisip na maari siyang saktan ni Amanda. Ito na nga ang may kasalanan ngunit siya pa itong nasaktan nang sobra. Kanina lamang ay tumawag siya sa kaniyang abogado upang ipaayos ang nangyari at hindi na maikalat pa nang tuluyan ang lumabas na larawan. Gagawin niya ang lahat upang pagbayaran ng mga ito ang ginawa sa kaniya. “Ouch!” mariin niyang daing nang diinan ni Ken ang bulak sa sugat ng kaniyang labi. “Why did you do that!?”
Mahina itong tuma
