Malakas ang ulan ang bumubuhos sa halos buong probinsya ng Zambales at mga karatig bayan. Sunod-sunod ang mga malalaking kidlat na gumuguhit sa kalangitan at sinusundan ng mga nakabibinging kulog. Nag-aalala ang marami sa maaring mangyari kapag nagpatuloy iyon.
Hindi makatulog ang mga matatanda dahil sa lakas din ng hangin na halos kalampagin ang kanilang mga bubong na yero. Alam nilang may paparating na bagyo ngunit hindi nila inasahan na mararamdaman na nila ang bagsik nito.
Tinaas na agad ang signal number 1 sa probinsya kahit ilang kilometro pa ang layo ng bagyo sa kalupaan. Hindi naman sa probinsya siyang mag-la-landfall ngunit nagpaparamdam na.
Walang makatulog na pamilya na nasa tent parin magpasa hanggang mga panahong iyon. Mas ramdam nila ang malakas na hangin mula sa loob. L
