Nakarating kay Amir ang mga salitang sinabi ni Giovanni nang may tama na siya ng alak. Natawa na lamang ang matanda. Wala pa nga raw isang araw na wala siya ngunit iyon na ang nangyari, paano pa raw kung isang buwan na? Baka raw pagbalik niya ay ibang tao na ang binata.
Hindi naman ito lasing na lasing ngunit pansin ni Patrick na may mga bagay na nasa isip ng mayamang binata na hindi niya direktang mailahad.
Una niyang naisip na baka nahihiya lang o baka hindi lang ito sanay at komportable sa kaniya. Nagtataka rin si Patrick dahil parang may kakaiba sa kaniyang amo na hindi naman nabanggit ni Amir nang sinasanay siya nito. Ang sabi lang nito kasi ay ayaw ng binata ng ingay, ng pinapakialaman ang mga gamit niya nang hindi niya inuutosi at ayaw na ayaw ng binata ng mga taong pinanghihimas
