"Nagawa ko na po sir," pagbabalita ng lalaking nakakubli sa isang malaking puno ng mangga di kalayuan sa mga taong nagpoprotesta.
"Okay, good. Umalis ka na r'yan bago ka pa nila makita," utos ng kaniyang kausap sa kabilang linya
"Opo, sir," sagot naman nito. Pinatay na ng kaniyang kausap ang tawag at nagmadali ng umalis ang lalaki sa kaniyang pinagkukublihan.
Walang nakapansin sa kaniya. Sumama siya sa rally at nagpanggap na kasama ng mga ito at nang nagawa na niya ang pinag-uutos sa kaniya sa tulong ng kaniyang binayaran na driver ng truck at mga pahinante nito.
"Ayos na! Sabi ko naman sa'yo e. Palabas ko lang ang permit kaya h'wag kang mag-alala bossing," pagmamayabang ng mayor kaniyang kausap na kongressman.
Natatakot kasi ito na baka magalit sa kanila ang binatang bilayonaryo dahi
