Alessia’s Point of View
Kaloka si Ludwig. Mukhang tinamaan sa bisita ko. Mula nang dumating ay halos gabi-gabing bumibisita sa amin. Nagdadala ng kung ano-anong. Ulam, meryenda kapag wala siyang pasok. Nanguha ako ng kasama namin sa bahay para naman kapag wala ako ay hindi mag-isa si Candy sa Apartment at may magluluto at maglilinis ng bahay.
Baka magalit sa akin si Franko kapag pinabayaan ko kasi at kahit ilang araw na kaming magkasama sa iisang bubong at nakakapagkwentuhan ay parang napakamisteryoso pa rin niya sa akin.
Araw na ng Linggo ngayon. Expired na ang permit ngunit wala pa rin balita o sagot kaming nakuha mula sa Giovanni na iyon. Apat na sulat na ang pinadala. Panay request na makaharap siya ngunit ni isa ay walang sagot. Hindi niya rin naman ibinalik ang sulat sa amin.
