Alessia’s Point of View
“Anong ginagawa ng unggoy na ‘to rito?” naibulalas ko nang wala sa oras. Bigla na lang siyang sumulpot at basang-basa ng ulan. Bakat na bakat ang katawan at tiyak kahit sinong babae ang makakikita ay mapapalunok na lang.
Pero hindi iyan ang iniisip ko, napansin ko lang naman. H’wag nga kayong ano! Pero ano nga kaya ang ginagawa niya rito? Bakit nandito at basa ng ulan?
Nakapasok na sila sa loob ngunit nandoon pa rin ako sa labas naiwan. Kung hindi lang nagsalita ang driver ng tricycle na hindi pa ako kikilos sa aking kinatatayuan. Aalis na raw siya e hindi pa nga ako nakababayad. Dumukot ako ng pera sa bulsa ko ngunit ang sabi ni manong ay h’wag na raw.
“Nakakahiya naman po. Kunin mo na po ito kuya para may pang-gaas ka naman po. Keep the change na rin po,” pil
