Nagpahatid si Alessia sa bahay ng kaniyang kapatid sa nasakyan niyang tricycle. Alam niyang wala pa ang bise alkalde sa kanilang bahay nang mga oras na iyon dahil mag-aalas tres pa lamang ng hapon kaya ligtas siya. Sakto rin dahil balak niyang makikain ng tanghalian sa kanila dahil gutom na gutom na talaga siya.
Matapos magbayad ng pamasahe at magpasalamat sa drayber ay humakbang na siya palapit sa poste kung nasaan ang doorbell. Marahan niyang pinindot ang buton nang dalawang beses at naghintay ng magbubukas ng gate para sa kaniya.
Maya-maya lang ay may naririnig na siyang naglalakad palapit. Nakita ng dalaga na may sumilip sa awang sa may gilid ng gate at ilang segundo lamang ay binubuksan na ang bakal na tarangkahan mula sa loob.
*****
Alessia’s Point of View
Mata palang ng sumili
