RAN ADRIENNE ROSS
__
"Yerra, halika na, kumain ka... sabay na kayo ni Lauren," ani Yaya Lorna.
Pinaghila ako ng silya ni Bridget at naghanda ng pinggan. I looked at Lauren. Abala ito sa cellphone niya habang ngumunguya.
"Tikman mo itong luto kong tortilla." Inabot iyon sa akin ni Yaya Lorna at akmang kukuhanin ko pero pinigilan ni Bridget ang kamay ko.
"Ang bilin po sa akin ni Sir Tyxon, simula ngayon ako na lang ang magluluto ng pagkain para sa inyo."
Naramdaman ko ang pagbaling ni Lauren sa direksyon namin. Malamlam naman ang mga matang binawi ni Yaya Lorna ang pinggan at muling binalik sa mesa.
"Ganoon ba? Sayang naman... nagluto pa naman ako nang sobra."
"Puwede bang ako na lang ang kumain, Yaya Lorna? Gutom na ako, eh."
"Ikaw pa ba, Bridget? Halika na, sumabay ka na rin."
I
