“Oh my gosh! She actually did that?” malakas na sabi ni Sunshine sa akin.
Lunch break na namin at ako na ang nag-ku-kʼwento kung anong nangyari sa akin nitong sembreak.
“Impakta ang kapatid mong iyan, Frances! Sorry, ha? Sinong gagawa nuʼn sa sariling ate niya? Nasisiraan na siya ng bait, kahit sabihin mong hahalikan ka lang ng lalaking iyon! Kung nandoon ako, sinabunutan at nilunod ko iyon sa dagat!” nanggigigil na sabi ni Francine sa akin.
“P-pero, mukhang ayaw niya rin mangyari iyon... Natatandaan ko rin kasi ang gulat niya nang sumulpot ang lalaki... Kaya pakiramdam kong ang kaibigan niya ang gumawa nuʼn sa akin,” sabi ko sa kanya.
“Ay, Frances, kung ayaw niya ang nangyari sa iyo? Sana inawat niya ang lalaking iyon? Iniwat na ba niya? Hindi, ʼdi ba? Pinanood ka lang din niya! Kaya
