MAGAAN ang pakiramdam ko ngayong araw dahil sa naging birthday party kahapon namin ni Callon. Ngayong araw rin ay birthday naman nina Kaito, Kirby and Benedict, sila naman ang babatiin ko at bibigyan ng gifts. Handmade ito na shirt din na may mukha nilang tatlo.
Sana magustuhan nila.
Mamaya ko na lamang ibibigay kapag uwian, may pasok na rin kasi ngayon sa campus.
Bumangon na ako at nakita ko ang mga gift kong nakahilera pa rin sa sofa ko. Doon ko muna nilagay dahil pagod na ako kagabi na magligpit, hindi na kaya ng aking katawan. Nang mailigpit ko na ang kinahihigaan ay pumasok na ako sa bathroom para maligo. Hindi rin naman ako nagtagal sa loob ng bathroom nagbihis na rin naman agad ako ng uniform namin. Nag-ayos ako nang kaunti ng aking sarili at lumabas na rin sa walk-in closet ko.
