PILIT kong inaangat ang aking mukha para makahinga ako pero lalo akong lumulubog kapag gumagalaw ako.
“T-tulong...” sigaw ko.
Hindi ko lang alam kung may naririnig sa aking boses. Masyado akong malayo sa mga taong nasa four feet lamang. Walang tao sa aking pʼwesto ngayon.
Ginawa ko pa ulit ang makakaya ko para umangat ang aking mukha at muling sumigaw nang malakas. “T-tulong!”
Wala pa rin nakakarinig sa akin. Napapaiyak na ako rito sa aking pʼwesto at nararamdaman ko na ang katawan kong lumulubog na rin sa pool na ito. Pero, biglang nagkaroon ng liwanag sa aking mga mata nang makita ko si Kirby na mabilis na tumatakbo palapit sa akin ngayon.
“Frances!” malakas niyang tawag sa pangalan ko. Tinanggal niya ang suot niyang shirt at tumalon sa pool kung nasaʼn ako. Hinawakan niya ang akin
