“Miss Frances, saan po kayo pupunta?” malakas na tanong ni Manang sa akin.
Nagpapabook na ako ng motor sa isang app, nilingon ko si Manang na hinahabol ako ngayon. “Kailangan ko silang puntahan, Manang! Masama ang kutob ko sa address na ito!” sabi ko sa kanya at nakita kong may kumuha na sa aking binook.
“Pero, Miss Frances, hintayin po kayo natin si Sir Kaito? Sabi mo naman po ay parating na siya, ʼdi ba po?” Hinawakan ni Manang ang aking braso.
Nakalabas na ako sa gate namin at nakita ko ang isang motor na palapit dito sa direksyon ko. Mukhang iyon na ang binook kong motor. Kaya nilingon ko si Manang. “Manang, kapag dumating po si Kaito, pakisabi na lamang po ang address sa kanya, okay po ba? Sorry po pero kailangan ko ng puntahan si Collete and si kuya Leo. Hindi ko po alam pero kum
