Chapter Twenty Nine
KRISTINE
SINADYA ko talagang hindi magpasundo sa kanya dahil naiilang pa akong makaharap siya. Hindi na rin ako nang-abala pa sa kanyang magpahatid kanina kaya’t mas inagahan ko ang pag-alis.
Totoong may operation kami kanina sa isang barangay kung saan may isang lalaking natagpuang walang buhay sa isang liblib na lugar kaya’t talagang ginabi na ako.
Nagpresenta rin naman si COP Lakandula na ihatid ako kaya’t hindi na ako tumanggi pa. Habang nasa daan kami ay nabanggit niya ang Task Force na imamanage niya kung saan ay isa ako sa mga sampung myembro nito.
“Next week na magsisimula ang misyon natin. Anim na buwan iyon sa San Joaquin. Maghanda ka na,” aniya.
Next week? Ang bilis naman. Paano ko mapapalayo ang damdamin ni Macario sa akin ng halos isang linggo
