Chapter Twenty Seven
MACKY
“HINDI niya sinabing may nobyo na siya. Nasaan ang batang iyan at malilintikan sa akin,”
Agad pumasok sa loob ng bahay ang matandang lalaki at sumunod naman ang asawa nito.
Napakamot na lang ako sa batok ko.
“Tsk, paktay ka Macario. Patay kang bata ka,” at sumunod na rin ako sa loob.
Nakita kong nambulabog ang matandang lalaki sa lahat ng kwartong maaaring buksan.
“Pa? Anong ginagawa niyo rito?” halatang kagigising lang ni Kristine nang lumabas siya ng kwarto niya.
“Ikaw ang dapat tanungin naming dalawa ng mama mo. Ano ang pinaggagawa mo dito? Sino ang lalaking ito?” itinuro ako ng tatay niya.
“Pa, huminahon ka muna,” lumapit siya sa papa niya at saka iginiya papuntang sala.
Sinundan ko sila. Nakaupo si Kristine sa tabi
