DEINA
Pinagmasdan ko silang aligagang nagre-recite ng kanilang script samantalang ako, mas inuuna kong pakalmahin ang aking sarili dahil kanina pa ako nagpapakapagal para lang iwasan 'yong dalawang demonyo. Kung bakit ba naman kasi ang malas malas ng huling taon ko sa SEA. Isang school year na lang. Bakit hindi pa pinagbigyan ni Bathala na maging matiwasay ang aking panunuluyan sa impyerno?! Peste talaga.
"Tapos mo na ba 'yong sa iyo?" tanong ni Aariyah. Hindi ko namalayan na nakalapit na pala siya sa akin. Umupo siya sa aking tabi, tapos sabay naming pinagmasdan 'yong apat na ulupong sa unahan. "Kanina ko pa napapansin na panay ang tingin sa iyo ni Yuri. Siguro may nangyari talaga sa inyo, ayaw mo lang sabihin. Pero hindi naman kita pipilitin kung ayaw mo. Marunong naman ako rumespeto n
