CHASE
"Sigurado ka bang hindi mo iimbitahan iyong dalawa? Nagtatanong pa naman si Ace kung anong kalagayan mo."
"Kalagayan ko? O baka tinatanong niya kung anong kalagayan ng inuman," mabilis na dugtong ni Yuri sa sinabi ko. Tumawa ako nang malakas dahil nadali niya.
"Iba ka talaga. Paano mo nalaman?" nagtataka kong tanong habang nagsasalin ng alak sa shot glass. "Tsss, matagal na tayong mag-uutol, kilalang-kilala ko na kayo. Baka hindi mo alam, magkakabit na ang mga bituka natin."
Ang weird... ang saya ng thought na sinabi niya, ang saya rin ng mukha niya ngunit iyong tono ng pananalita niya habang sinasabi iyon... malungkot, walang buhay. Hindi pa naman siya lasing dahil mataas ang tolerance ni Yuri sa alak.
"You really like her, aren't you Yuri?" seryoso kong tanong sa kaniya. Da
