DEINA
So, this is it. Parang hangin lang na dumaan ang Sabado't Linggo. Siguro dahil hindi ako masyadong na-stress sa mga araw na iyon kaya hindi ko namalayan ang mabilis na pagtakbo ng oras. Sana pala lagi na lang may interhigh para may inaatupag ang mga demonyo ng SEA.
Paniguradong bukas ay babalik na naman ako sa gyera. Parang sa loob ng dalawang buwan ay ito lang iyong day off ko. Mapapailing ka na lang talaga sa kabwesitan.
"Day! Look! Gorgeous!" malakas na tili ni Lau. Tapos na siyang ayusan ako dahil kahit pa man daw pagbali-baligtarin ay parte pa rin ako ng cheering squad kaya kailangan ko ring mag-ayos nang katulad sa kanila.
"Ganito talaga? Sinong pumili ng ganitong make up?" nagtataka kong tanong. Paano ba naman kasi, tanghaling tapat at masigla iyong theme pero 'yung make u
