AARIYAH
Dahil sa akin ibinigay ni Sir Will ang listahan ng mga magkakagrupo para sa next week task namin, nagtungo na ako sa unahan. Matik, kapag mayroong mahalagang tao na bibisita rito sa school, half day wala kaming teacher. Hindi pa sure iyon, kasi madalas, buong araw wala, pero mayroon naman silang iniiwan sa aming activity kaya hindi pa rin bonus sa amin ang araw na ito.
"Bagasina, Bercasio, Catindig, Malapo, Santia, Alarcon, Cabrera. Kayo ang group 1 at si Catindig ang leader niyo. Halika rito at nang makita mo kung ano ang na-assigned sa inyong scenario," tawag ko sa unang leader.
Lumapit naman kaagad si Benjie tapos tiningnan iyong nakatakot sa kanila.
"Luh, hirap." Iyon lang ang salitang lumabas sa bibig ni Benjie.
"May mas mahirap pa dyan, Mr. Catindig. You'll take it or na
