DEINA
"Sinabi ko na sa iyo, di ba? MGA kaklase ko. Ibig sabihin marami, hindi isa lang at mas lalong HINDI jowa, kasi sabi ko nga... KAKLASE."
"Siguraduhin mo, Deina Autumn! Aba'y malilintikan ka sa akin kapag jowa iyang dinala mo sa bahay, ah! Kung kailan naman gusto kong pumirme sa bahay, tyaka mo ako pinapaalis. Kapag naman na kina Margaux ako, hinahanap mo ako palagi."
"Dami mong daldal, Kuya! Lumayas ka na sa bahay ngayon din dahil malapit na kaming umuwi. Mahiya ka naman kapag naabutan ka ng mga kaklase ko."
"Bakit ako ang mahihiya? Dapat sila ang mahiya dahil sila itong makikitulog sa bahay ng iba." Kinagat ko nang mainam ang ibaba kong labi sa sobrang panggigigil. Hanep naman kausap ito si Kuya! Talagang inuubos ang pasensya ko.
"Kuya, sumasakit na ang ulo ko. Lala--", "Talaga
