MABILIS ang lakad ng nanay ni Deina kasama ang panganay nitong anak patungo sa opisina ng doktor upang magtanong tungkol sa inaasahan niyang operasyon bukas. Nais niyang maging maayos ang lahat, gusto niyang makasiguro na magtatagumpay ang operasyon ni Deina. Ngunit pagdating sa loob, hindi niya aasahan ang magiging tugon sa kaniya ng doktor.
"Hindi pa ba sinabi sa iyo ni Deina ang resulta ng test ko sa kaniya kanina?" Ibinalik niya ang tanong sa nanay ni Deina dahilan para malukot nang sobra ang noo nito. "Resulta? Wala siyang nasabi sa akin. Ano ba iyon? Ano ang kailangan kong malaman?"
Kinuha ng doktor ang papel na nakapatong sa kaniyang lamesa at ibinigay iyon sa ina ni Deina. Umiling ito ng tatlong beses bago sabihin na hindi niya maintindihan kung ano ang nakasaad doon. "Hindi po
