KRISTOFFER
Kanina pa nawawala si Yuri. Hindi ko alam kung saan siya nagtungo pero mukhang sinusubukan niya nang gumawa ng sarili niyang daan. Hindi na ako magtataka kung mapapabilis ang pagsalungat niya sa agos kapag ipinagpatuloy niya ang kanyang ginagawa.
"Lei. Baka naman pwede mong ayusin ang mukha-este ang expression mo. Kinikilabutan ako, eh. Saan ka ba nakatingin at kanina ka pa nakangisi dyan? May nakikita ka ba na hindi namin nakikita?" tanong ni Chase. Inirapan ko lamang ang kanyang tinuran. Masyadong lumalayag ang isip ko sa mga posibilidad na kahantungan ni Yuri.
"Tinawagan mo na ba 'yong master niyo?" pag-iiba ko, hindi sinagot ang nauna niyang tanong. "Ahm, patay ang phone niya, eh," sagot nito. Huminga ako nang malalim dahil nadismaya ako. Hindi ko alam kung bakit, hindi l
