DEINA
Mabagsik ang mga yabag na ginagawa ko. Tila ba sa mga sandaling ito, sumang-ayon ang buo kong sistema sa iisang layunin, ang pagbayarin ang may sala ngayong araw. Pumasok ako sa classroom para magbakasakali kung naroroon pa ang TM4 ngunit bigo akong makita ang kanilang nakakaimbyernang itsura.
"Nasaan ang bag ko?" tanong ko kay Christine na nag-aayos na ng gamit. "Ahm, may dalawang lalaking kumuha ng bag mo. Hindi ko sila natanong kasi mabilis silang umalis," sagot nito. Nalaglag ang aking panga dahil kung kasamahan ni Aariyah sa SESS 'yung mga lalaki, bakit wala akong nakitang bag sa detention? Tapos wala rin namang naiabot si Aariyah, kung hindi ang cellphone ko lang.
"Anong itsura no'ng lalaki?" tanong ko. "Matangkad siya na medyo payat. Tapos may nunal siya sa gilid ng labi.
