ACE
Inilinga-linga ko ang aking ulo, nag-ala giraffe para lang masilip kung nakaalis na ba sina Deina sa table nila. Noong masigurong wala na nga, naisipan kong lumapit kay Lei para tuksuhin ito. Inaantok na, eh, kaya bubuhayin ko lang ang kanyang dugo.
"Lei, umalis na sina Deina," wika ko habang binabalandrahan siya ng mapaglarong titig. Itinaas baba ko pa ang aking kilay para isipin niya na may meaning 'yong sinabi ko, meron naman talaga.
Kanina ko pa kasi napapansin ito na panay ang sulyap kay Deina. Nagandahan din ata sa make over, hahaha! Kahit din naman ako. Pero hindi kami talo, di ko tatablahin si Yuri, ehem.
"Pakihanap ng paki ko sa basurahan, Ace," wika niya. Sows! May pagganyan-ganyan pa siya! Naalala ko, noong bago niya pa lang ligawan si Eirine, ganyan din ang gawain niya.
