CHAPTER 25
Pasado alas-nueve na ng gabi ngunit nanatiling nakatayo pa rin si Maxine sa may teresa sa ikalawang palapag ng kanilang bahay. Nakatanaw siya sa madilim nilang bakuran kahit pa wala naman siyang partikukar na tinitingnan.
Hindi pa siya dinadalaw ng antok. Pilitin niya mang matulog na't magpahinga ay hindi naman matahimik ang kanyang isipan. Hanggang nang mga sandaling iyon ay laman pa rin ng isipan niya ang tungkol sa muli nilang pagkikita ni Kurt.
Kung pisikal na aspeto ang pag-uusapan ay masasabi niyang malaki din ang pinagbago ng binata. He looked more matured, more manly. Pakiramdam niya pa ay mas naging makisig ito ngayon kaysa noon.
At kung sa pakikitungo sa kanya ang pag-uusapan ay ibang-iba na ito. She expected that. Matapos ng ginawa niya, hindi niya inaasahang magi
