CHAPTER 27
Marahang ipinarada ni Maxine ang kanyang sasakyan sa harap ng anim na palapag na gusali. Mula sa may driver's seat ay mataman niya pang pinagmasdan ang entrada ng kompanyang nasa harapan niya ngayon--- ang Madrigal Real Estate Company.
Hindi niya alam kung bakit bigla ay nagpasya siyang magtungo roon. Matapos niyang matuklasan ang tungkol sa regalong natanggap niya noon sa kanyang graduation, wala siyang ibang nais ngayon kundi ang malinawan ang napakaraming katanungang gumugulo sa kanyang isipan.
Muli niya pang tinawagan ang kanyang Uncle Leandro bago pa man siya tuluyang umalis ng Gem Galore kanina. Alam niyang nasa gitna na ito ng isang meeting ngunit wala siyang ibang mapagtatanungan kung hindi ito lamang.
Inalam niya sa kanyang tiyuhin kung saan ang eksaktong address ng
