HABANG nakamasid siya sa anak na natutulog ay pumasok sa isipan ang mga natuklasan. Kung totoo ang sinabi ni Lorenzo, sino ang tunay niyang mga magulang?
At ang kinalakihan niyang ama at ina, sino ang mga taong ito na lubos nagparamdam ng pagmamahal sa kanya? Dahil hindi matatawaran ang pag-aalaga ng mga ito. Kaya ang hirap paniwalaan na hindi niya totoong pamilya ang kinikilalang mga magulang.
"Naririto na po ako, ano ang ipag uutos mo, Senorita Elizabeth?"
"Ilang oras pa lang na tulog ang aking anak kaya mamaya pa siya magigising. Dito ka lang at bantayan mo siya kung sakaling biglang magising ay pindutin mo ang button na naroon sa wall."
"Masusunod po, Senorita Elizabeth." At iniwan na niya ito upang magtungo sa baba at hanapin ang asawa.
"Magandang umaga, Senorita Elizabeth."
"G
