KASAMA ang mga bodyguard ay kumuha siya ng annulment paper. Gaya ng utos ni Lucrecia ay sinunod niya upang manatiling ligtas ang anak.
Nang makakuha ng application ay agad niya iyong pinirmahan at umuwi ng mansion. Pagkatapos ay inabot niya kay Lorenzo upang ito naman ang pumirma.
Wala silang imikan habang patungo sa kabilang mansion nila. Doon napagkasunduan na dadalhin ang anak nila kapalit ni Lorenzo kasama ang annulment papers. At habang palapit sila ay ang bigat ng kanyang pakiramdam. Hindi rin niya matiis na hindi lumingon sa asawa. Ngunit nakabaling ang mukha nito sa labas ng bintana.
“I’m sorry Lorenzo, kung ang anak natin ang pinili ko.”
“T-Tama naman ang desisyon mo lalo at hindi mo naman ako kailanman minahal. Isa pa ay dugo at laman mo si Baby Coa Renzo. Kaya natural na siy
