ELIZABETH POV.
NANANATILI siyang nakatitig sa malaking screen. Habang patuloy na pinapanood ang video clip ni Lorenzo. Ang bawat hampas na tinatamo nito sa katawan ay tila isang patalim na tumutusok sa kaibuturan ng kanyang puso. Nahilam ang kanyang mga mata sa luha at hindi nakayanan ay itinigil ang panonood.
Nakatulala lang siya at hindi magawang gumalaw. Wala man lang siyang kaalam-alam kung anong hirap ang pinagdaanan ni Lorenzo sa kamay mismo ng kinikilala nitong mga magulang. Kung hindi pa siya naglakas loob na pumasok sa library nito. Malamang na hanggang ngayon ay kinamumuhian niya pa rin ito.
Magmula pala ng bata ito ay puro kalupitan, karahasan at pagpatay ang ang ipinagagawa dito ang ama nito. Kung hindi susunod ay mamamatay ang tunay na mga magulang, dalawang kapatid at mga
