KAILANGAN manatili sa ospital ang kanyang asawa. Sapagkat anumang oras ay maaaring malaglag ang anak nila. At kahit alam niya sa sarili na hindi siya diringgin ng Diyos ay nagdasal pa rin siya. Humihingi siya ng awa upang mabuhay lang ang kanilang anak. Hiniling din niya na bigyan siya ng signal kung kaloob sa kanila ang kanilang anak.
Hindi siya umaalis sa loob ng chapel habang nakaluhod at nakatingala sa altar. Hindi rin alintana ang luhang patuloy na dumadaloy sa kanyang mukha. Ang bigat ng kanyang pakiramdam at naninikip ang dibdib. Hindi niya kayang mawala ang anak at si Elizabeth. Sapagkat pag nawala ang anak nila ay siguradong tuluyan na siyan iiwanan ng asawa.
“Kuya Rowen, kanina ka pa naririto. Halika na at doon tayo sa silid ni Hipag.”
“Dito lang ako, brother. Hanggang wala ak
