MALAKAS ang putukan, meron din mga pagsabog na nagaganap sa ‘di kalayuan. Yumanig ang paligid ngunit hindi nila iyon alintana. Ang kanilang atensyon ay nasa mga kalaban. Parang hindi nababawasan ang mga ito sa sobrang dami.
Walang naririnig sa paligid kundi tunog ng mga daing at pagbaon sa katawan ng mga swiss knife. At siya ay walang habas kung pakawalan ang bawat hagupit ng hawak na dalawang samurai. Tanging night vision contact lens ang suot niya. At tanging sa reflector badges lang siya tumitingin. Kapag walang badges ay sinisiguro niyang bagsak sa lapag ang katawan.
“Master Lorenzo!” kasabay ng paglingon niya ay isang putok ang kanyang narinig.
“Calem, nasaan si Wyatt?”
“Hindi ko rin alam, kanina naririto lang yon tapos biglang nawala.”
“Iwanan mo na ako dito at hanapin mo siya,
