ISANG linggo na ang nakalipas magmula ng simulan niya ang pagsasanay. At sa bawat araw na dumadaan ay nararamdaman niya ang hirap. Ngunti determinado siyang matuto kaya kahit nahihirapan ay sinisikap balewalain. Pasasaan ba at masasanay din ang katawan niya.
Pagdating ng hapon ay para siyang lantang gulay. Kaya naman ay hinahayaan siya ng asawa na makatulog kahit dalawang oras. Pagkatapos ay naliligo siya bago bumaba upang sumabay sa hapunan. At habang kumakain ay karga niya ang anak na bunso. Sobrang miss niya ito lalo na ngayon nakakaupo na itong mag-isa sa crib.
“Aking mahal, ibigay mo muna kay yaya si Bunso upang maging maayos ang pagkain mo.”
“Huwag na kaya ko naman, saka pinakakain ko siya ng patatas.” Nawawala ang pagod niya sa maghapong training kapag nakakasama ang anak.
Nagin
