PAGKAKITA sa kanya ng asawa ay agad siyang niyakap nito ng mahigpit. Hinila din siya nito paupo sa mahabang sofa. At nang mga oras na yon ay natutulog na ang kanilang mga anak. Silang apat na lang ang naroon at ang karamihan sa mga tauhan ay nasa labas.
“Anong nangyari sabihin mo sa amin ang buong detalye.” Tanong ng kanyang asawa kaya wala siyang nagawa kundi simulang magkwento. At habang nagsasalita ay patuloy na tumutulo ang kanyang luha. Paulit-ulit pumapasok sa isipan ang itsura ng kanyang ina.
“Lorenzo…” naramdaman niyang niyakap siyang muli ng asawa. At sa mga oras na yon ay tila wala siyang lakas. Nanghihina ang kanyang pakiramdam at parang anumang oras ay babagsak siya.
“Master Lorenzo, mas mabuting magpahinga ka muna.” Gusto niyang sumagot na ayaw niya at hindi kailangan. Wala
