"Kumusta po siya doc?" Nag-aalalang tanong niya sa doctor nang lumabas ito sa silid kung saan dinala si Anisha.
Agad niyang tinakbo si Anisha sa pinaka malapit na ospital kung saan naroon ang condo unit na binili niya para sa dalaga. Hindi niya inakala na aabot sa ganito ang ginawa niya kay Anisha. Nakokonsenysa siya dahil alam niyang siya ang dahilan ng pagkawala nito ng malay. Marahil nabigla niya ang manipis nitong katawan kanina nang angkinin niya ito.
Kung nasaktan man niya ang dalaga, hindi niya iyon sinasadya. Nadala lang siya ng sitwasyon, wala naman kasi siyang idea na iyon ang unang karanasan ni Anisha sa pakikipagtalik. Buong akala kasi niya masama itong babae at pumapatol basta sa mayamang lalake para perahan nito. Iyon kasi ang sinabi ng Mama niya noon, at napatunayan naman
