"I am sorry, Mr. Dela Vega," malungkot na paumanhin sa kanya ng doctor nang hindi talaga makita ng mga ito si Anisha. Kung saan-saan na ring sulok ng silid nila hinanap ang dalaga, pero wala pa rin ito. Isa lang ang nasa isip niya ngayon, ang Mama niya. Tiyak na may kinalaman ang Mama niya sa bigla na namang pagkawala ni Anisha, katulad noon.
Nagmamadali siyang umalis ng ospital nang alam na niyang wala na siyang mapapala pa roon, at wala roon si Anisha. Maghaharap sila ng kanyang Mama, hindi na siya papayag na sa ikalawang pagkakataon makialam na naman ito sa kanyang buhay. Hindi rin niya hahayaang muling mawala si Anisha nang dahil sa kanyang Mama.
Halos paliparin niya ang kanyang sasakyan para lang makarating agad ng San Nicoala. Hindi na niya mapapatawad pa ang ina pag may kinalaman
