"Bakit mo ginawa iyon sa harapan ng mga magulang ni Mica?!" Galit na tanong ng Mama niya nang makapasok na silang tatlo sa loob ng library para doon pag-usapan ang gustong pag-usapan ng kanyang mga magulang. Para sa kanya walang mali sa ginawa niya o mga nasabi niya kanina sa hapag kainan. Sinabi lang niya ang totoo sa harapan ng mga magulang ni Mica, para hindi na umasa pa ang mga ito na may pag-asa pa sa kanila ni Mica.
Alam naman niyang sinadya ng kanyang Mama ang pag imbita sa mga magulang ni Mica, para marahil ipahiya ang asawa niya at anak niya. Bilang asawa hindi niya hahayaang mapahiya ang mag ina niya na wala ano mang masamang hangarin sa pagtungo sa hahay ng kanyang magulang. Alam din niyang sinadya ng Mama niya at ni Mica na isuot ni Mica kaparehong dress na suot ng kanyang asa
