"Dinner ngayong gabi po? Bakit biglaan po yata?" Tanong niya sa kanyang Mama nang tawagan siya ng ina habang nasa opisina siya at subsob sa trabaho. Marami siyang nakatambak na trabaho ngayong araw, dahil mamayang gabi aalis na sila ni Penny patungo sa Baguio kung saan sila nito ikakasal sa kaibigan niyang judge. Ang alam ni Penny sa kabilang bayan lang sila nito pupunta para magpakasal, hindi naman din kasi niya alam na aalis ang kaibigan niyang Judge at pupunta ng Baguio bukas, kaya naman sila na lang ang sumunod para matapos na. Sasabihan na rin naman niya ang kaibigan niyang si Jiwo na magiging witness sa kasal nila ni Penny.
Mabuti na nga lang at napag desisyunan na niyang maaga silang ikasal ni Penny, dahil kung hindi baka magbago pa ang plano ng kanyang mga magulang. Wala naman ka
