Kinabukasan na ng umaga nakabalik sina Aarah at A. Gising na si Bart nang dumating sila. Pero ang hindi nila inaasahan ay ang madatnan ito na kausap si Grey.
"Kanina pa ba nandito si Grey?" tanong ni Aarah kay Nenette. Hindi muna sila pumasok ng kuwarto at hinayaang makapag-usap ang dalawang magkaibigan.
"Medyo matagal na rin ho siyang nag-abang na magising si Sir Bart, Ma'am Aarah," sagot ni Nenette. "Katulad din natin siya kung mag-alala kay Sir Bart."
"Kanina pa ba siya sa loob?" singit ni A sa pag-uusap nila ng private nurse. "Baka puwedeng kami naman ang kukumusta kay Bart."
Naiintindihan ni Aarah ang inaakto ng nobyo. Atat na atat na itong makausap si Bart at malaman kung ito nga ba talaga si Baste. Halos hindi na nga ito natulog sa kagustuhan na bumalik dito agad sa ospital at m
