Nagising si A na wala si Aarah sa tabi niya kaya dali-dali niya itong hinanap. Kaagad niyang kinatok sa kuwarto nito si Grey nang hindi niya makita sa paligid ang nobya. "Nasaan si Aarah?"
"Mukha ba kaming magkasama na natulog kagabi?" sarkastiko nitong tanong din.
Ikinuyom ni A ang mga kamay. Pinipigilan niya ang mapikon sa pang-aasar ng kapatid. "Baste,please. Sa akin ka lang galit kaya huwag mo nang idamay si Aarah. If you really like her, you won't do anything bad to her. Ako na lang ang gantihan mo."
Natawa ito nang pagak. "Ikaw na rin mismo ang nagsabi na gusto ko si Aarah. Kaya bakit ko naman siya gagawan nang masama?"
"Eh, bakit wala siya sa paligid?!" Hindi na napigilan ni A ang pag-alpas ng galit. Sa bawat minutong hindi niya nakikita si Aarah ay palakas nang palakas ang pagk
