"Grabe, ang saya-saya talaga! Sobra!" natutuwang bulalas ni Aarah pagkatapos nilang mag-boat riding at mag-biking. "Kahit napagod ako sa pagbibiskleta pero ang saya-saya naman."
"Ikaw nga ang pinakamasaya kanina sa biking, eh. Dahil panay ang tawa mo," nakangising sagot ni A.
Natawa si Aarah. "Masaya lang talaga ako dahil pers taym kung maranasan ang ganitong mga bagay na dati ay sa TV ko lang napapanood. At alam mo na hindi ko mapipigilan ang sarili ko kapag natutuwa ako. Tawa kung tawa. To da maks pa."
Inakbayan siya ng nobyo. "And it's okay to be happy. Kaya tama ka, huwag mong pigilan ang sarili mo na matuwa. Dahil ang totoo, ang mga tawa mo ang pinakamagandang tunog na narinig ko ngayong araw."
"Tawa ka rin naman nang tawa kanina, ah," aniya sabay kiliti sa tagiliran nito. "Minsan
