Sinunod nga ni A ang payo ni Nanang Imelda na hayaan muna niyang lumamig ang ulo ni Aarah. Pero gusto pa rin niyang makasiguro na nasa loob lang ito ng mansiyon at maayos ang lagay. Kaya tumayo si A at lalabas sana ng kuwarto para alamin kung toto ngang nasa sala lang ito. Ngunit pagbukas pa lang niya ng pinto ay kaagad na niyang narinig ang boses ng nobya at ang malutong nitong tawa.
"Grabe! Ang galing-galing n'yo naman ho, Tatang Jose. Sanib-puwersa na kami ni Nanang Imelda pero hindi ka pa rin namin matalo-talo," anang masayang boses ni Aarah na halos um-echo yata sa buong mansiyon.
"Naku, mahihirapan talaga tayo na talunin siya, hija," narinig ni A na masaya ring wika ni Nanang Imelda. Akala ko ba ay inaantok na siya? Umiiwas lang ba siya sa mga katanungan ko? "Eh, bata pa lang iyan
