Hindi rin natuloy ang pag-uwi sana nina Aarah at A. Dahil nang may nadaanan silang disco bar ay niyaya siya ng nobyo na dumaan daw mula sila roon para mag-enjoy.
"S-sigurado ka ba na papasok tayo riyan?" nag-aalalang tanong ni Aarah kay A nang nasa bungad na sila ng entrance. "Matagal na noong huli akong pumasok sa ganiyang lugar, eh. Dahil ang mahal-mahal ng mga inumin. Ginagawa namin ng mga kaibigan ko, bumibili na lang kami ng gin tapos magpapatugtog na lang at sa bahay na magsasayawan. Gan'on na lang din gawin natin. Tipid pa. Mukhang mamahalin pa naman ang bar na ito."
"Pasok na tayo para ma-experience natin ang mag-disco na magkasama," giit ni A. "Kung hindi ka marunong sumayaw, don't worry, ako ang bahala sa'yo."
"Marunong akong sumayaw, 'no? Kaya lang..." Napatingin siya sa suot
