CHAPTER 20:
KANINA PA AKO NAKASIMANGOT. Isang Linggo na ang lumipas at ngayon dapat kukunin ni Veron ang jacket niya rito pero gabi na lang, hindi pa rin siya nakakarating. Naiinis ako dahil sinabi niya sa akin, next week daw. Kung sa bagay, walang eksaktong date ang sinabi niyang next week! Baka next, next and the next week iyong sinasabi niyang next week.
"Ma'am, uuwi na po kami," paalam ni Michael sa akin.
Tumango lang ako habang abala sa ginagawa ko sa computer.
"Ang sungit ni Ma'am ngayon, ang alam ko katatapos lang ng regla niyan last week ah?" takang tanong ni Jordan paglabas galing banyo.
Inis na dinampot ko ang ballpen na nasa tabi ng notebook ko at mabilis na inihagis kay Jordan.
"Ma'am!" gulat na bulalas niya.
Pinanlisikan ko siya ng mga mata. Alam na nga nilang bad trip
