"Bakit naman mahal?" pagtatakang tanong niya.
"Sarap mo kasing i-hug palagi," pilyong tugon nito na humahalik pa sa batok ng babae.
"Mahal ha!'Huwag kang ganyan maaksidente tayo," awat ni Maica, dahil nakaramdam ito ng kiliti.
Hanggang sa makarating na sila sa naturang lugar.
Aagad naman silang pinagbuksan ni Alex sa gate. Pagkakita niya kay Jig, ay abot tainga ang kaniyang ngiti at napansin iyon ni Oliver. Nagsimula na namang umusok ang kaniyang ilong.
Pagdating nila sa loob ay naroon na ang kanilang mga ka-tropa at ang iba ay abala ito sa pagluluto at ang iba nama'y gumagawa sa kanilang mga tent. Tulad nila may mga partner rin ang mga ito at hindi pa nila kilala ang iba nilang makakasama kaya medyo nakaramdam pa sila ng pagkailang.
"Welcome guys!" boses ng kanilang mga kasamahan.
