SOBRA ang kabang naramdaman ni Jig, habang papalapit siya kay Oliver. Nang huminto na siya ay nakita niyang ikinaway ni Oliver ang kaniyang kamay at nagbigay senyas na 'GO' naguguluhan siya kung ano ang kaniyang susundin.
Ngunit dahil paulit-ulit si Oliver sa pagwagay-way ng kaniyang kamay ay napilitan siya na sundin ito at iwan ang nobyo upang ituloy ang laban.
Ang akala naman ni Jig ay hindi malaki ang pinsala ni Oliver, dahil nakagalaw pa ito. Ang hindi niya alam ay pinilit lang pala niya na kumilos para ituloy ni Jig ang laban.
"OH—GOD!" bulalas ni Oliver, dahil sa dugo na dumaloy sa kaniyang kamay. At idagdag pa na hindi niya maigalaw ang kaniyang isang paa. Sapagkat ito ang unang tumama sa lupa at nadaganan sa pagkatumba ng kaniyang motor.
Sa mga sandaling iyon ay unti-unting nan
