HINDI nakatulog magdamag si Akhee lalo na't hindi umuwi si Vladimmir. Nakailang tawag na rin siya sa selpon ng kanyang asawa subalit out of coverage area ang palaging sinasabi ng service operator. Kaya naisip ni Akhee na nasa malayong lugar siguro sina Gigi at Vladimmir doon sa walang signal. Upang hindi niya ito makontak at mapuntahan. Para naman walang sagabal sa kanilang dalawa kung sakali. Mas lalong napaiyak si Akhee sa kanyang mga naiisip. Kung ito na nga ba ang kabayaran sa lahat ng kanyang mga ginawa noon na hindi maganda parang unfair naman yata at nagkataon pang may buhay na pumipintig sa kanyang sinapupunan.
"Hindi umuwi si Vladimmir kagabi ano, Akhee?" untag ni Aling Guada sa kanya nang nakatingin ito sa kawalan.
Napakurap-kurap si Akhee at malungkot na tumingin kay Aling Gua
