Mas nagagalit si Akhee sa kanyang sarili dahil hinahanap-hanap ng kanyang puso at isipan si Vladimmir. Umuwi muna siya sa kanyang Papa upang magkapag- isip siya nang husto. Hindi rin siya dumalo sa muling hearing at pakinggan ang hatol ng korte kina Hale at Gigi. Nagmukmok siya, lumabas at pumasyal sa iba't-ibang lugar. Subalit sadyang sutil ang kanyang puso dahil mas lalo lamang siyang nalulungkot. Kaya ang siste ay umuuwi rin siya na tila binagsakan ng langit. Ni hindi nga siya naghahanap ng mga maaasim wala siyang ganang kumain. At tila palaging kay bigat ng kanyang dibdib lalo na kapag naaalala niya ang hitsura ni Vladimmir nang umalis siya sa kanilang bahay. Kung nagsalita lang sana ang kanyang asawa ay baka hindi na siya tumuloy pang umalis kasi maski siya ay ayaw makisama ang kanyan
