Ismael POV
Habang hawak ko ang manibela ay hindi ko maiwasan na kabahan ng matindi. Sinikap kong itutok ang paningin sa daan nang matanaw ko ang hospital kung saan nagtatrabaho si Jared bilang doctor. Nasa kanya na ang DNA result dahil sa kanya ito pinadala. Ito rin ang tumulong sa akin para makapagDNA at mabilis na maproseso. Kaagad akong nag-park ng kotse sa pinakamalapit na bakanteng parking lot. Walang inaksayang oras na isinuksok ko sa bulsa ang cellphone at sa kabilang bulsa ang susi. Saka mabilis akong umibis ng sasakyan. Pumasok ako ng hospital na may mabibilis na mga hakbang.
Kaagad kong tinungo ang opisina ni Jared pero nang silipin ko ito sa salamin ng pinto at walang tao.
Hinarang ko ang isang dumadaang babaeng nurse at tinanong.
“ Where's Doctor Jared? “ tanong ko dito.
